طرق تنظيف الادوات المنزلية المختلفة

ان التنظيف هو دليل على وجود المرأة المجتهدة النشيطة فى بيتها المهتمة باسرتها ومنزلها حتى يظهر فى ابهى صورة ممكنة فلنتعرف على أفضل طرق تنظيف بعض ادوات المنزل التى تتعاملين معها بصورة يومية:

1- تنظيف الكراسى الخشب

اكيد الكراسى الخشب بتلم تراب كتيررر وبتغلبك فى تنضيفها بس عشان تنضفيها على طول من التراب هاتى قطعة قماش وكمية قليلة من سائل التنظيف وعليه ميه دافية وفى وعاء حطى المية والسائل ونضفى بقطعة القماش

2- بقع العرق اللى بتبان فى الملابس البيضا:

طبعا الملابس البيضا اكتر حاجة بتبان فيها العرق وعشان تنضفيها اغسلى كويس بايديك المنطقة اللى تحت الابط بالمية والمسحوق ونسيبه شوية ربع ساعة وبعدين نغسلة بالمبيض والماء الساخن

3- تنظيف الفضة:

طبعا ناس كتير بتركن الفضة فى البيت فترة مش بتلبسها فبتحتاجها ترجع تلاقيها لونها مبقاش لامع وعشان ترجعيها زى الاول بتلمع افركيها بشوية معجون سنان وبعدين نشفيها كويس هترجع زى الاول

4- لوحة تقطيع اللحوم والخضراوات

طبعا لوحة التقطيع اكتر حاجة بتشيل جراثيم فى المطبخ ولازم تبقى نظيفة جدا والا هيجيلنا امراض منها وعشان ننضفها حطى عليها طودا خبز او ملح ونمسحها بالليمون ونغسلها بماء ساخنولو فى اثار الوان الطعام عليها هتروح

5- الفوط المعفنة نتيجة تركها مبللة بالماء

عشان ننضفها لازم نسبها اربع ساعات تحت الشمس مفرودة عشان تموت الميكروبات اللى بقت فيها وبعدين نغسلها كويس جدا بالمسحوق والماء الساخن

6- البقع على الملابس

لو اطفالك وقعوا بقعة على ملابسهم متستسلميش وتقولى خلاص باظت لا قومى بسرعة حطى عليها شوية مسحوق وافركى البقعة كويس لحد ماتطلع من الهدوم واغسليها على طول لان دة اللى بيسهل تنضيفها

7- تنظيف الشبابيك

مفيش حد مبيغلبش فى تنظيف الشبابي دة غير العفار اللى بيطلع منها يملى صدرنا ويجبلنا حساسية وعشان تتجنبى كل التعب دة هاتى خل ابيض ومية وحطيهم فى بخاخ ورشى الشبابيك وامسحى بقماشة هتنضف بسرعة.

فى النهاية نتمنى ان تكونوا استفدتم معنا فتابعونا حتى يصلكم كل جديد ومفيد وصحى.