بورجر بيتى احسن من الجاهز

انا خلاص بطلت اشترية وبعملة وبدون مبالغة احلى من برجر حلوانى الطريقة دى ممكن انتى تجربى فى نصف المقدار وصدقينى النتيجة اكثر من رائعة واضمن لصحتك وصحة اولادك:

المقادير:

ك لحمة مفرومة ملبسة شوية
ربع ك فول صويا مجروش من العطار او موجود عبوات الفيروز ب6 تقريبا تنقعيها 10 دقائق وتصفيها كويس جدا جدا من المية وبيبقى زى السفنج
2 ملعقة فول صويا بودة ودى علشان بتدى ريحة البورجر الجاهز
2 بصلة متوسطة
واحد حبة فلفل اخضر
2 ملعقة نشا
ملعقة صغيرة توم بودرة او 3 فصوص توم
ملعقة قرفة
ملعقة فلفل اسود
نصف ملعقة حبهان
ملعقة بابريكا
ملعقة زعتر
ربع ملعقة جنزبيل بودرة
شوية من جوزة الطيب لوعندك
طبعا كل دى بملعقة الشاى
ولو تحبى كارى كمان انا بحطة
2 ملعقة اكل ملح

طريقة العمل:

كل دة يتفرم مع بعضة بالمفرمة وتترك فى التلاجة نصف ساعة
وتطلع تقطعيها زى بتاعت المحلات وتعملى فواصل بنها بالنيلون او ورق الزبدة
وتتشال فى الفريزر وتطلع على الجريل او طاسة تيفال وتتحمر عى الوجهين
فى قليل من السمن او الزيت

وبالهنا والشفا نتمنى ان تكون الوصفة حازت على اعجابك وتكون استفدت معنا