طريقة عمل الزلابية بالشيكولاتة

ان الحلويات هى من الاكلات المفضلة للكبار والصغار فهى تمد الجسد باحتياجاتة من السكر والطاقة لآحتوائها على العديد من السعرات الحرارية والنشويات ولذلك فمن يرغب فى اتباع حمية غذائية علية تقليل تناولها ولكننا اليوم اتينا لمحبى الحلويات بأفضل طريقة تحضير الزلابية بالشيكولاته فلنتعرف على طريقة التحضير خطوة بخطوة:

المكونات:

2 كوب دقيق
1 كوب مايه
1 معلقه كبيره نشا
1 معلقه كبيره خميره فوريه
2 معلقه كبيره سكر
نصف معلقه صغيره فانيليا
ربع كوب زيت
زيت للقلى
وشربات وهيكون عباره عن 2 كوب سكر مع 1 كوب مايه على النار ومعاهم عصير ليمونه وبيكون شربات تقيل وبارد للزلابيه

الطريقه:

سهله جدا هنضرب كل المكونات دى مع بعضها وتتضرب بالايد مش فى العجانه ولا بالمضرب عشان انا عايز الهوا اللى جوه العجينه ده كله ميكونش موجود لحد متصلى للقوام المناسب تكون عجينه غليظه تشبه عجينه الوفلز

بعد كده هسيب العجينه فى مكان دافىء لحد ما تخمر وتعلى معانا بعد كه هضربها تانى بايدى عشان تهبط وبعدين يكون الزيت غزير وساخن معايا

هبتدى اقلى الزلابيه بالطريقه المعتاده وبعدين اخرجها فى مصفاه عشان تصف الزيت واكون مجهز الشربات واسقيها بالشربات وهى ساخنه عشان تبقى كرسبى معانا واقدمها

لو هتتعمل بقى بالشيكولاته يبقى الصوص اهو ربع كيلو شيكولاته خام - 50 جرام زيت -100جرام لبن

طريقه العمل:

فى حمام ماء ساخن يتم وضع بسيمه ويوضع بها الشيكولاته واللبن والزيت مع التقليب لحد ما القوام كله يتجانس مع بعضه

ملحوظه لو الصوص تقل بعد كده وعايزه تستخدميه تانى تضيفى لبن وتقلبيه هيرجع تانى للقوام المناسب ولو شيكولاته بيضا يبقى بردوه نفس الموضوع بظبط مع اختلاف الشيكولاته طبعا

اتمنى ان تكون الوصفة حازت على اعجابك وتكون استفدت معنا