طريقة عمل السمان المشوى

من منا لا يعشق السمان فهو من الاكلات الخفيفة والشهية بشكل رائع والمناسبة ايضا للعزومات ولنتعرف سويا على افضل طريقة لعمل السمان المشوى بابسط المكونات:

المقادير :

عدد 6 سمان
1 كوب خل
2 لتر مايه
هنفتح السمانه من سلسله الظهر وبعدين ندق عليها بسكينه او بشاكوش مطبخ عشان انا عايز العظم بتاعها يتفتت شويه وبعدين هنقعهم فى المايه مع الخل واسيبهم لحد ما اجهز التتبيله الجميله
مكونات التتبيله
1 بصله كبيره
1 حبه طماطم كبيره
1 فلفل رومى كبير
نصف كوب خل
نصف كوب زيت
2 معلقه مسطرده
1 معلقه زر ورد
نصف حبه جوز الطيب مطحونة
5 حبه حبهان
4 فص ثوم
5 ورق لوره
2 معلقه كاتشب
1 معلقه بابريكا
1 معلقه كزبره ناشفه
5 حبه قرنفل
ملح وفلفل اسود
وهضرب كل المكونات دى مع بعضها فى الخلاط لحد ما تتجانس

الطريقه

هشيل السمان من المايه والخل واغسله تانى كويس بمايه

وبعدين هحطه فى التتبيله دى من قبلها بيوم يعنى لو هعمل السمان بكره ان شاء الله يبقى لازم ابيته فى المارنيه ده النهارده

وبعدين تانى يوم هنشويه على الشوايه الفحم او ممكن فى طاسه وممكن كمان فى الفرن

وبالهنا والشفا وتابعونى للمزيد من الوصفات الرائعة