فى ناس كتير واماكن كتير لما بنروح ناكل عندهم فراخ للاسف بتبقى الفراخ ليها ريحة ودى ناتجة ان الفراخ متنضفتش كويس قبل السلق
تعالوا نشوف ازاى بتتنضف الفراخ علشان ميبقاش فيها الريحة دى ابدا اتبعى الخطوات دى:
اولا تشطفيها شطف عادى بعد متشتريها وتشيلى اى ريش زايد ودخلى ايدك جواها تشيلى الزوايد اللى جوة البطن واوعى تنسى الحبل اللى جنب الرقبه لان ساعات بيبقى فيه اكل ولو انتى هتسيبيها زى مهى مش هتقطعيها يبقى تشيلى المؤخرة بتاعتها نهائى (وتخيطيها عند الحشو ) وتنضفى كويس المخاط اللى بين الجلد واللحم عند الوراك
كده خلاص يبقى تجيبى ميا يدوب اللى تغطى الفرخة حطى فيها كبشة دقيق ولمونتين ونقطتين خل وملح خشن وسيبيهم 10 دقايق
طب افرضى ان معندكيش ليمون يبقى تجيبى طماطماية ناشفة وتدعكى الفرخة بيها
وبعدين تشطفيها كويس من الخل والدقيق وتجهزيها للسلق
وفى السلق حطى فى الميا بصلاية ومستكة وحبهان وورق لورى وكباب صينى ورشة خفيفة حبهان مع مستكة مطحونين ودوقى احلى شوربة باحلى طعم وريحه
اتمنى ان تكونى استفدت بالطريقة وتكون سهلة عليك
"يجول Yagoul" مشروع يهدف لإثراء المحتوى العربي على الانترنت في كافة المجالات والمواضيع من التعليم والثقافة والاعمال والسفر والسيارات وغيرها ..
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.