صدور دجاج محشية

صدور دجاج محشية وصفة رائعة للدايت ومغذية وغنية بالعناصر الغذائية لراغبى التميز والابتكار فى الاكلات لنتعرف سويا على تفاصيل ومكونات الوصفة:

حنجيب صدر الفراخ ساليم ونغسلة بالخل واليمون والملح ونفتحة من الجنب لحد قبل الاخر بشوية

ونتبلة بماء بصل وطمطماية مبشورة وعصير 2ليمونة وفلفل اسمر وملح وحبهان مطحون ونتركها لمدة 2ساعة

ثم نحضر اناء ونضع فية قطعة زبدة ونقطع البصل والفلفل الالوان او الرومى العادى ونضيفهم على الزبدة ونقلب لمدة 5 دقايق ثم نضيف عليهم البسلة والجزر ونقلب لمدة 10 دقايق ونضيف عليهم 2 مكعب مرقة دجاج و1 معلقة كركم و 1معلقة قرفة ونصف معلقة حبهان مطحون ونضيف لها 1كوب ماء

وعندما تتشرب من الماء خالص نضيف لها شوية جبنة متزريلا او رومى اى حاجة ثم نحشى صدور الفراخ ونقفلها من الجنب بالخلة

ثم نحضر طاسة ونضع فيها قليل من الزيت ونشوح فيها الفراخ على الجنبين حتا نحصل على الون الذهبى

ثم نقطع فلفل رومى وبصل طرنشات ومعاهم 2حباية طماطم و 1 معلقة صلصة ونضيف عليهم زعتر وفلفل اسمر وكمون وحبهان ونلفهم كلهم مع بعضهم مع 3ملاعق زيت وندخلهم الفرن 20 دقيقة فقط

والف هنا وشفا اتمنى ان تكون الوصفة حازت على اعجابك