طريقة عمل تشيز كيك التوت البارد

لعشاق الحلويات وخاصة الكيكات وخصوصا الاطفال جئنا لكل ربة منزل وصفة رائعة للكيكات وهى وصفة تشيز كيك التوت البارد التى تستطيع عملها فى مطبخها ليسعد بها جميع افراد اسرتها نترككم مع المكونات وطريقة العمل:

المكونات :

باكو و ربع من بسكوت اى حاجة - اى بسكوت ينفع و مكتوب على كيس البسكوت الواحد الأنا استخدمتوا 140 جرام....انا استخدمت كيس كامل و ربع. ..

2 معلقة كبيرة سكر ابيض...

7 معالق كبار من الزبدة السيحة. ...

300 جرام من الجبنة الكريمى فلاديلفيا Philadelphia أو ممكن جبنة كيرى بس فلاديلفيا أحلى. .

2 علبة صغيرة من كريمة الخفق للحلويات. ..

ربع كوباية سكر ابيض..

معلقة صغيرة من الفانيليا السايلة. . أو كيس فانيليا بودر بس طبعا السايلة أحلى بكتيير....

و علبة can من التوت الأحمر زى ما انا حطيت rasberry .. او ممكن بدل التوت كراميل مثلا أو صوص شيكولاتة برحتك بقى

الطريقة:

1-البسكوت اطحنية فى الفوود بروسيسور أو كسرية بأى حاجة المهم يكون مكسر ناعم. ...

2-و حطى علية معلقتين الكبار من السكر ...و اضربى ....

3-و عليهم الزبدة و اضربيهم تانى فى بعض كويس جدا ...

4-حطيها فى صينية التشيز كيك اللي بتتفتح أو ممكن تعمليها فى صينية التارت

5-افردى كل البسكوت فى الصينية و اضغطى علية بإيدك كويس و ساوية بالمعلقة أو بأداكى. .. و حطيها فى التلاجة تتماسك لغاية منجهز ال filling الحشو

6-فى بولة بقى حطى الجبنة الكريمى ....

7-اضربى الجبنة لوحدها بتاع دقيقتين بالمضرب الكهربائى. ...

8-و حطى ربع كباية السكر و اضربيهم تانى كويس ...

9-و الفانيليا و اضربى تانى. ...

10-و بعد كدة حطى كريمة الخفق للحلويات العلبتين الصغيرين ..

11-و اضربيهم بقى كويس جداااا لغاية ما يتقل معاكى و يتماسك زى الكريم شانتيية كدة ....لغايه لما يكون متماسك و منفوخ

12-هاتى الصينية من التلاجة و حطى الحشو على البسكوت ...و افردى بقى وساوى الشكل بظهر المعلقة

13-هاتى بقى التوبينج و افردية عليها. . انا حطيت rasberry توت أحمر بيتباع فى السوبرماركتس الكبيرة. .غطيها بالكلينج فيلم و دخليها التلاجة مش أقل من 3 ساعات و لو اكتر هتبقى أحلى و أحلى .....

14-بعد ما فات 3 ساعات عليها في التلاجة طلعتها فى طبق و بالسكينة مشيت على أطراف الصينية براحة جداا .....قطعيها و طلعيها

15-حطتلها من فوق فرولاية صوغننة و ورق نعناع

تقدم وبالف هنا نتمنى ان تكون الوصفة حازت على اعجابك وتكون استفدت معنا