سفاح تكساس

لعشاق القصص المثيرة والغامضة جئنا لكم فى موقعنا المتميز صفحة بمجموعة متميزة من القصص المرعبة والتى تحتوى على الكثير من التفاصيل المثيرة والشيقة ومنها تلك القصة سفاح تكساس لنتعرف سويا على تفاصيل القصة:

سفاح تكساس اللى محدش لحد دلوقتى يعرف هو مسئول عن قتل و تعذيب كام

ضحية بالظبط من كتر الجرائم اللى عملها و اللى فيها جرائم مقدروش يربطوه بيها , قصتنا النهاردة عن إيد جين , قصتنا هاتبدأ فى مدينة بلاين فيلد فى

مقاطعة ويسكونسن الأمريكية , التاريخ سبعتاشر نوفمبر 1957 , بداية القصة بلاغ اتقدم عن اختفاء السيدة بيرنس ووردين اللى كان عندها ساعتها 52

سنة وقت اختفائها وأثناء تحقيق الشريف فى القضية وجد آثار دماء بشرية داخل المحل اللى بتديره السيدة المختفية وكان آخر واحد متسجل فى

سجلات البيع فى المحل هو المدعو إيد جين , شخص مسالم جدا و كل البلدة بتشهد بخجله و حيائه واللى اهله لأنه يكون مربى للأطفال لناس كتير

فى البلدة من كتر ثقتهم فيه وكان طبيعى انه يتم سؤال آخر شخص شاف المختفية على قيد الحياة كاجراء روتينى و بالفعل راح الشريف لمزرعة إيد

جين عشان يستجوبه وكان معاه إذن لتفتيش المزرعة وخبط الشريف كذا مرة عشان إيد جين يفتح الباب ولكنه مكنش موجود فى المزرعة ساعتها

واضطر الشريف للدخول للمزرعة بموجب الاذن اللى معاه عشان يتفاجأ بأكبر كارثة حلت فى البلدة فى تاريخها كله , فى البداية لاحظ انبعاث رائحة كريهة

جدا زى رائحة الجثث المتحللة من كل جزء فى البيت ولما راح المطبخ شاف جثة غزال متعلقة من سقف المطبخ بخطافات من رجليه لكن لما سلط

المصباح الكهربى اللى معاه عشان يشوف أحسن اتصدم لما لقى ان اللى متعلق ده مش غزال , دى جثة آدمية مفصولة الرأس ومتعلقة بالعكس من

رجليها و أحشائها تم تفريغها بالكامل , طبعا كلنا نتوقع حالة الشريف بعد اللى شافه, جرى برة البيت بسرعة كأن شيطان بيطارده وهو بيتلفت حواليه

وبعث رسالة باللاسلكى من العربية لاحضار قوات شرطة أكبر للمكان وفعلا جت القوات و انصدم الجميع من هول ما رأوه فى مزرعة إيد جين , الجثة

الآدمية اللى كانت فى المطبخ دى مجرد كانت البداية لأسوأ كوابيس رجال الشرطة ,اكتشفت الشرطة ان كل المنزل تم تأثيثه من أجزاء بشرية , الحوائط

كان عليها جلد آدمى كورق حائط , أدوات الأكل من معالق و شوك تم نحتها من عظام بشرية , الأطباق اللى كان بياكل فيها إيد جين كانت عبارة عن

أنصاف جماجم بشرية , الأباجورات كانت ملفوفة بجلد آدمى , حتى الكرسى اللى كان بيقعد عليه كان مفروش بالجلد الآدمى , صدمة رهيبة أصابت

البلدة كلها فى مقتل بسبب عن اعتقادهم ولو لثانية ان إيد الخجول ممكن يكون السبب ورا حالات الاختفاء المتكررة لعشرات الضحايا سواء من خارج أو

داخل البلدة , وعشان نقدر نفهم هو ليه قام بالجرايم دى لازم نرجع لتاريخه نفسه , إيد جين و اسمه بالكامل أدوارد ثيودور اتولد عام 1906 لأم متدينة

لدرجة الهوس لدرجة انها كانت بتديهم دروس فى الدين كل يوم تحذرهم من ارتكاب الذنوب و توسفلهم عقابهم فى النار هايكون ازاى لو مالتزموش بكل

كلمة بتقولها وكانت علطول بتحذرهم من الاختلاط بالمجتمع المذنب الخاطئ على حد وصفها وكبر إيد على حب مريض لأمه , إيد أبدى شغف كبير جدا

بقراءة المغامرات وهو فى فترة الدراسة ولكن فترة الدراسة كانت سيئة من ناحية تانية عليه لسخرية زمايله الدائمة من صمته و خجله وعدم رغبته فى

تكوين صداقات زى ما والدته قالتله , ومن فرط تعلق و هوس إيد بأمه قتل أخوه هنرى لما عارض والدته و زعق معاها على طريقة تربيتها لإيد جين , وده

حصل لما حصلت حريقة فى جزء من مزرعتهم و أثناء محاولة اطفائها ضرب أخوه على راسة بصخرة و رماه جوة النار ولكن طبعا محدش صدق ان طفل

وديع زى أيد ممكن يعمل حاجة شيطانية زى دى , فضل عايش مع والدته المهووسة المريضة لحد ما اتوفت فى عام 1945 , فقد إيد جين عالمه بالكامل

بعد وفاة والدته , بعد كدة اشتغل إيد كمربى للأطفال وكان أحيانا بيستخدم عربيته فى نقل بعض البضائع لجيرانه مقابل أجر , بدأ هوس إيد الجديد بقراءة

كتب الموت و كيفية التشريح وطرق التعذيب خلال الحرب العالمية الثانية على يد النازيين واللى كان معجب بيهم جدا لأنهم اخترعوا طرق جديدة فى

تعذيب البشر , واستمر هوسه بالموت لدرجة انه بقى بيروح يزور مقابر البلدة و يسرق أجزاء من الجثث البشرية اللى لسة مدفونة قريب ولم تتحلل بعد ,

وكان بيحب جدا سرقة جثث الفتيات و سلخ جلودهن بالكامل و محاولة ارتداؤه , مرة زاره طفل من اللى بيربيهم إيد فى المزرعة و وراه جزء من الرؤوس

البشرية اللى عنده و لما قال الطفل الكلام ده لأهله محدش صدقه , بالعكس دول كانوا بيهزروا مع إيد على الرؤوس اللى عنده وهو يقولهم انها فعلا

موجودة فيضحكوا زيادة , بداية حالات الاختفاء كانت مع الطفلة جورجيا ويلكر واللى كان عندها 8 سنين وبعدها ايفلين هارتى واللى كان عندها 15 سنة

وبعدها رجلين كانوا فى رحلة صيد واختفوا من غير حد ما يعرف راحوا فين وبعدها مارى هوجان صاحبة أحد البارات وغيرهم وغيرهم من الضحايا اللى

اختفوا ورغم البحث المضنى والمستمر عن الضحايا اللى بدأت أعدادهم تزيد بمرور الوقت محدش كان بيشك على الاطلاق فى إيد جين لدرجة انه فى

بعض الأحيان كان بيخرج مع الأهالى يدور معاهم على أطفالهم واللى هو عذبهم و قتلهم فى مزرعته , وبعد القبض على إيد جين ماعترفش الا بجريمتين

بس أما بقية الجرائم فنفاها وقال ان الأعضاء و الجلد البشرى اللى عنده كانت لجثث هو سرقها من المقابر , وبالفعل تمت محاكمته على جريمتين بس

من عشرات الجرائم اللى نفذها إيد جين ولكن محاميه دفع بجنون موكله و تم الحكم عليه بقضاء بقية عمره داخل مصحة نفسية وأثناء المحاكمة تم

احراق مزرعته من قبل مجهول , واتوفى إيد جين فى عام 1984 بعد اصابته بمرض السرطان وعشان ينهى آخر فصول معاناة بلدة بلاين فيلد مع واحد

من أكثر المجرمين و القتلة دموية على مدار التاريخ . إدوارد ثيودور الشهير ب إيد جين .