لعشاق الباستا بأنواعها المختلفة وصوصاتها المتنوعة ذات النكهات الرائعة نقدم لكم نوع خاص ومميز من المكرونات وهى مكرونة بصوص البولنيز لتكون دائما مبتكرة ومتجددة فى مطبخك اتمنى ان تنال اعجابكم:
المقادير :
1 كيلو اسباجتى مسلوقه
مكونات الصوص هتكون عباره عن
نصف كيلو لحمه مفرومه
1 بصله مفرومه
1 جزره مبشوره
1 عود كرفس مفروم
1 معلقه ثوم مفرومه
1 معلقه صغيره زعتر ومعاها 1 معلقه صغيره ريحان مفروم او بودره
ملح وفلفل اسود
1 معلقه كزبره ناشفه
نصف حبه جوز الطيب مبشوره
1 معلقه كبيره صلصه طماطم
2 كوب كبير عصير طماطم
جبنه بارميزان او رومى او شيدر مبشوره للتجميل مع معلقه بقدونس مفروم
الطريقه:
فى حله على النار فيها شويه زيت هنحط اللحمه المفرومه لحد ما تتعصج معانا كويس اوى بعد كده هرفعها من على النار وهحطها فى مصفاه مطبخ كبيره عشان تصفى كل المايه بتاعتها وده مهم جدا عشان الصوص ينجح معاكى ويكون طعمه كويس
بعد كده هنجيب حله تانيه ونحط فيها شويه زيت ونضيف البصل والجزر والكرفس ونقلبهم كويس اوى لحد ما البصل يبتدى لونه يتغير معانا هنضيف الثوم مع التقليب
بعد كده هنضيف الكزبره الناشفه واللحمه المفرومه ونقلب كل ده مع بعضه كويس
بعد كده هضيف الصلصه والطماطم على اللحمه وهتبل بالملح والفلفل والزعتر والريحان ولو لقتيها محتاجه شويه مايه ممكن تضيفى شويه مايه بسيطه وبضيف فى الاخر جوز الطيب وبسيب كل ده يغلى مع بعضه
بعد كده بنغرف المكرونه فى اطباق التقديم وبنحط الصوص على الوجه وبنضيف الجبنه المبشوره وبنجمل بالبقدونس المفروم وبنقدمها ساخنه
وبالهنا والشفا اتمنى ان تكون الوصفة حازت على اعجابك وتكون استفدت معنا
"يجول Yagoul" مشروع يهدف لإثراء المحتوى العربي على الانترنت في كافة المجالات والمواضيع من التعليم والثقافة والاعمال والسفر والسيارات وغيرها ..
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.