طريقة عمل الخيار المخلل السريع

ان المخللات لهى بحق من اشهى المقبلات وتعتبر رقم واحد لفتح الشهية ولكننا يجب ان نحظر من الافراط فى تناولها حيث عند تناولها بأفراط تصبح مضرة وتسبب الكثير من الامراض مثل حصوات الكلى والتهاباتها وكذلك تسبب ضغط الدم العالى وكذلك يجب ان تشتريها من اماكن موثق بها من حيث استخدامهم لنوعية ملح معالج حيث ان معظم معامل المخللات تعتمد على الملح فى صورته الاولية التى تستخدم فى الصناعة ولذلك ننصح كل ربة منزل بأن تصنع هى المخلل فى البيت واليكى افضل وصفة لعمل الخيار المخلل السريع :

المكونات:

1 كيلو خيار مغسول ومقطع بالطول اصابع
10 فص ثوم سليم ومقشر
1 كوب خل ابيض
ربع كوب ملح
2 معلقه كزبره ناشفه سليمه او بودره
2 معلقه كمون بودره
1 معلقه شطه بودره او زى متحبى
ماء مغلى على اد البرطمان اللى هتخللى فيه
2 معلقه صغيره نعناع ناشف او 10 ورقات نعناع فريش
5 حبه حبهان سليم
5 حبه قرنفل

الطريقه:

بعد تقطيع الخيار هنحطه فى البرطمان ومعاه الثوم وكل التوابل والخل وبعد كده

هضيف المايه لحد البرطمان ما يتملى وياريت احط طبق صغير عشان اقدر اتحكم فى ان الخيار مش يطفو على وش المايه واقفل البرطمان كويس جدا وبعد 6 ساعات ممكن اكل منه

فى النهاية نتمنى ان تكونوا استفدتم معنا فتابعونا حتى يصلكم كل جديد ومفيد وصحى.