الباذنجان من الخضراوات ذات القيمة الغذائية العالية وهو من الخضراوات التى لا تعد ولا تحصى وصفاته وهنا اتينا لك بوصفة سريعة وشهية جدا للباذنجان وتعتبر وصفة متكاملة وهى راقات الباذنجان باللحمة المفرومة :
حبتين باذنجان كبار نقطعهم لشرايح بالطول , سُمكها متوسط .
ممكن تقلينها بالزيت وممكن تدهنينها بشوي زيت وتحطينها بالفرن
* مع مراعاة تقليبها من الجهتين .
أنا عن نفسي قليتهم .
بعد مايستوون نخليهم على جنب .
ونجيب حبتين بطاطس كبار ونقطعهم شرايح دائرية ونقليهم .
طبعاً بعد القلي نحطهم في صحن عليه مناديل عشان يمتص الزيت .
بالنسبة للباذنجان حاولي تضغطين عليه عشان يطلع الزيت اللي داخله لأنه يشرب زيت كثير .
- الحين نجي للحم المفروم :
أول شي نحمس بصله مقطعه مكعبات صغيره وفص ثوم مفروم في زيت
ونذر شوي ملح عشان يذبل البصل .
بعدها نضيف لحم مفروم ونحركه شوي ونخليه لما ينشف الماي حقه . على ماينشف
نخلط بالخلاط :
- حبتين طماط مقشرة ومقطعة
- ربع حبة - أو أقل شوي - فلفل أخضر بارد
- شوي كزبرة - قد ملعقة تقريباً
- 3 ملاعق طعام معجون طماط
- ملعقتين طعام كاتشب
- مكعبين ماجي
لما ينشف الماي من اللحم نضيف عليه بهارات وفلفل أسود ونقلبه دقايق ,
ثم نضيف الخلطة اللي خلطناها بالخلاط . ونقلبه ونخليه لما يتسبك وينشف شوي .
ونخليه على جنب .
الحين نسوي الصوص :
نحمس بصله مقطعه مكعبات صغيره وفص ثوم مفروم في زيت ونذر شوي ملح عشان يذبل البصل .
نخلط بالخلاط :
- حبة طماط مقشرة ومقطعة
- ربع حبة - أو أقل شوي - فلفل أخضر بارد
- شوي كزبرة - قد ملعقة تقريباً
- 3 ملاعق طعام معجون طماط
- مكعب ماجي
ونضيفهم على البصل .
ونحركهم لما يبدى يتسبّك ,
بعدها نضيف ثلث كاس مائ تقريباً ونحركه لما يبدى يغلي ويثقل شوي .
ونشيله من النار
الحين نجيب صينية للفرن ,
ونصب شوي من الصوص أهم شي يغطي قاع الصينية .
بعدها نصف الباذنجان
بعدها نحط اللحم
بعدها نحط جبن تشدر وموزاريلا
بعدها شوي من الصوص .
بعدها البطاطس
بعدها الباذنحان
بعدها الصوص
وع الوجه نحط الجبن .
ممكن تحطون جبن برميزان إن كان متوفر
وتقدم بالف هنا نتمنى ان تكون الوصفة حازت على اعجابك
"يجول Yagoul" مشروع يهدف لإثراء المحتوى العربي على الانترنت في كافة المجالات والمواضيع من التعليم والثقافة والاعمال والسفر والسيارات وغيرها ..
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.