ان المشويات هى غرام الكثيرين وخصوصا كفتة الحاتى نظرا لطعمها الشهى المحبب الى النفس كما انها صديقة فى العزومات وهى دليل مهارتك فى الطبخ فهى بنا نتعرف على أسهل وألذ طريقة لعمل كفتة الحاتى كما نشتريها من حاتى المشويات:
المقادير:
نص كيلو لحمه (اهم شئ تكون سمينه لان ده الي بيخليها طريه مش ناشفه يعني قولي للجزار خمني زي ما انت عاوز)
بصلايه كبيره مبشوره
نص حزمه بقدونس مفروم ناعم
ملح وفلفل اسود وجوزه الطيب وبابريكا معلقه بيكينج بودر
طمطمايه مبشوره بدون القشر
طريقة التحضير:
اول حاجه بنعصر البصله كويس من الماء ونضيف لها الطماطم المبشوره والملح والفلفل وجوزه الطيب والبيكنج بودر ونضعها في طبق علي جنب.
ثم نقوم بخلط اللحمه مع البصل المتصفي والبقدونس والبهارات ويخلط جيدا حتي تتجانس المكونات وضعيها في الثلاجه علي الاقل ساعه.
طلعى الكفته من التلاجه قبل الشوى على طول و تمسكى قطعه الكفته على ايدك و تحطى السيخ عليها من المنتصف و تضغطى اللحمه عليها و تبدى تفرديها على السيخ بالضغط المتواصل لفوق و تحت لحد ماتتفرد على السيخ بالسمك المناسب ماتبقاش تخينه قوى و لا رفيعه.
و الأهم بعد ماتفرديها بللى ايدك بميه البصل والطماطم واضغطى على مسافات متباعده بصوابعك علشان تعملى فروق فى السيخ ماتبقاش الكتله كلها حته واحده ده بيقلل من وزن الكفته على السيخ و ماتقعش وفايده البيكنج بودر انه بيخلى اللحمه تتماسك بسرعه اول ماتشم النار .
بعد ماتشيلى السيخ اللى استوى ضعيه فى صينيه مفروشه بالعيش وبقدونس متقطع وغطيها.
أحلى كفته ممكن تاكليها فى البيت
بل أفضل فى الطعم و طبعا ده على حسب نوع اللحم.
طبعا فى حاجه تانيه بتتحط على الكفته اللى بتخلى الناس ماتقبلش طعم اى كفته غير من المحلات الماده دى هى محسن طعم أسمها مونوصوديوم أو ملح صينى تشبه السكر فى شكلها .
و موجوده فى الهايبرات الكبيره زى كارفور مثلا الكيلو ب 20 جنيه و طبعا ده يفضل عندك سنه و اكتر لأنك بتحطى معلقه بس على الكيلو منه.
فى النهاية نتمنى ان نكون نلنا على اعجابكم فتابعونا حتى يصلكم كل جديد.
"يجول Yagoul" مشروع يهدف لإثراء المحتوى العربي على الانترنت في كافة المجالات والمواضيع من التعليم والثقافة والاعمال والسفر والسيارات وغيرها ..
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.