طريقة عمل مكرونة بكفتة داود باشا

لعشاق الباستا بأنواعها المختلفة وصوصاتها المتنوعة ذات النكهات الرائعة نقدم لكم نوع خاص ومميز من المكرونات وهى مكرونة بكفتة داود باشا لتكون دائما مبتكرة ومتجددة فى مطبخك اتمنى ان تنال اعجابكم:

اولا المقادير للكفتة :

نصف كيلو لحم مفروم
2 بصله مفرومه فرم ناعم جدا
ملح فلفل اسود كزبره ناشفه رشه قرفه صغيره جدا
1 ملعقة كبيرة صلصه طماطم
كوب عصير طماطم
زيت
كزبره خضراء مفرومه
ثوم مفروم
عود كرفس مفروم فرم ناعم جدا
عبوة مكرونة اسباكيتى نصف كيلو

الطريقة :

باخد اللحمه المفرومه وبحط عليها نصف كميه البصل وبتبلها بالملح والفلفل والقرفه
وشويه كزبره ناشفه وبحط الكرفس المفروم ناعم جدا عليها بعد كده بعجنها بايدى كويس جدا

لحد ما تتماسك ووتتجانس معايا عشان تكون سهله التشكيل بعد كده بحطها فى الثلاجه شويه

لمده نص ساعه عشان اللحمه تشد مع التوابل وتتجانس مع كميه البصل والكرفس
بعد كده بخرجها من الثلاجه وبشكلها على هيئه كرات مدوره وبعدين بحطها فى الثلاجه

لمده 10 دقايق وفى طاسه على النار فيها شويه زيت وتكون سخنه بنزل بكرات الدواوود باشا

وبقلبها حوالى 5 دقايق وبعد كده برفعها من ع النار وبركنها على جنب

لحد ما اعمل الصوص بتاع الداوود باشا فى حله على النار بحط شويه الزيت وبعدين البصله المفرومه ثم الثوم وبقلب كويس لحد ما اللون يميل للاصفر وبعد كده بنزل بشويه كزبره ناشفه وبقلب كويس وبعدين معجون الطماطم ثم عصير الطماطم لحد الغليان وتتسبك معايا الصلصه

بنزل بكفته داوود باشا فى الصوص تكمل سواها وتتجانس مع الصوص لو محتاجه شويه مايه

على الصوص زودى شويه بس تراعى الملح والفلفل عشان الطعم ميغيرش معاكى بعد متستوى

هتنزلى بالكزبره المفرومه عليها وتقلبيها هتديها طعم هايل وريحه هايله

هتكونى سالقه المكرونه بتاعتك ومتبلاها بقطعه زبده وهتغرفيها بالمنظر الجميل ده

وبالهنا والشفا نتمنى ان تكون الوصفة حازت على اعجابك وتكون استفدت معنا